Karjalan tazavallan gerbu

<table class="infobox infobox- " style="" data-name="Карточка герба" >Karjalan tazavallan valdivolline gerbu

Karjalan gerbu (ven. Государственный герб Республики Карелия) on Karjalan tazavallan valdivon tunnus.

25. ligakuudu vuvvennu 1993 Karjalan avtonoumizen socialistizen nevvostotazavallan Korgevin Nevvoston XII kerähmö hyväksyi gerban käyttöh. Se tarkendettih 5. ligakuudu vuvvennu 2001.

Ven'an Federacien valdivollizeh geral’diekkuluvetteluh gerbua ei pandu.

Histourii

Enzimäzet gerbat

Enzimästy kerdua gerbu ezittyy XVI vuozisual, konzu Karjalan muat kuuluttih Ruoččih.

• 
  Gerbu, vuozi 1562.
• 
  Gerbu, vuozi 1634.

Ven'an valdukunnas

Karjalan mualois muanitah ("Korelan kniäzi") Ništadtan ruahusobimuksen jälgeh. Sit algajen tädä gerbua ruvettih käyttämäh Ven'an cuarikunnan halliččijan arvonimeh kuulujannu. Ruočin gerbah perustui Karjalan mualoin gerban luadijannu oli Francisk Santi:

• 
  F. M. Santin luajittu gerbu. On otettu flaguloin gerboin kuvakeräilemäspäi, vuozi 1730
• 
  Korelan virralline muagerbu
• 
  Baltiekan mualoin yhtistynnuzien gerboin suojukses olii Korelan muagerbu (Ven'an valdukunnan suuri gerbu)
• 
  Viiborgan gubernien gerbu (vuvves 1797 vuodessah 1812)

Gerban ven’alazes versies mollembet käit tavan mugah oldih kuvattu luatois. Toiči pyständyvehkehil varustettuloin käzien välih kuvattih yksi libo kaksi venčua.

Karjalan gerbu čomendi Suomen suuren kniäzikunnan Kuopion da Sant-Mihel’an gubernieloin gerboi. Suomen iččenäžysilmoituksen jälgeh se rodih perustehekse gubernien monile hallindo-alovehellizile yksikkölöile.

• 
  Kuopion gubernien gerbu
• 
  Sant-Mihel'an gubernien gerbu
• 
  Viiborgan gubernien, a myöhembi Suomen Pohjas-Karjalan gubernien käytös olii gerbu iččenäzes Suomes
• 
  Suomen Pohjas-Karjalan alovehen nygyaigaine gerbu

Pohjas-karjalan valdivo

Rahvahanvälizen voinan aigua Karjalan pohjazes kodvazen toimi Arhangel’skan Karjalan Väliaigaine halličus (sidä vie sanottih Vienan Karjalan väliaigazekse halličuksekse, Uhtuan halličuksekse, Toimikunnakse). Se rodih kezäl vuvvennu 1919 Uhtuan kyläs (nygöine Kalevalan pos'olku). 21. kevätkuudu vuvvennu 1920 tämä halličus kučui kerähmöh Karjalan pohjazien piirilöin rahvastu.

Akseli Gallen-Kallelan varustetus gerbas oli mustan kondien kuva kassari käbäläs (nygözis lähtehis käytetäh suomenkielisty vesuri-sanua) suojukses ruskiedu da mustua värii. Kondien piäl oli rebointulien čäigeh, käbälien ual — čieppi. Suojuksen venčannu oli mečankuadajan perindölline hattu kukkeli-nimel).

• 
  Akseli Gallen-Kallelan gerbu

Nevvostoliiton aigazet gerbat

• Karjal-Suomelazen socialistizen nevvostotazavallan gerbat
• Vuozinnu 1937 — 1940
  Vuozinnu 1937 — 1940
• Karjal-suomelazen socialistizen nevvostotazavallan gerbu vuozinnu 1940 — 1956
  Karjal-suomelazen socialistizen nevvostotazavallan gerbu vuozinnu 1940 — 1956
• Vuozinnu 1956 — 1978
  Vuozinnu 1956 — 1978
• Vuozinnu 1978 — 1991
  Vuozinnu 1978 — 1991

Nygyaigaine variantu

Kylmykuus vuvvennu 1991 Karjalan avtonoumine socialistine nevvostotazavaldu muutettih Karjalan tazavallakse. 27. kylmykuudu Karjalan tazavallan Korgeviman Nevvoston Prezidiumu hyväksyi piätöksen valdivollizien tunnuksien vaihtamizes da ilmoitti kilvan piendäs Karjalan uuzien gerban, flavun da gimnan luadimizekse. 15. talvikuudu vuvvennu 1991 hyväksyttih Karjalan tazavallan Korgeviman Nevvoston Prezidiuman piätöksen kilvan piendyehtolois da arvostelukundah kuulujis. Tarkoitus oli järjestiä kilbu tazavallan flavus da gerbas 1. päiväs tuhukuudu 30. päivässäh sulakuudu vuvvennu 1992.

Oraskuussah vuvvennu 1992 kilvan arvostelukundu sai 60 flavun da 20 gerban projektua. Samal aigua tazavallas kovah kiisteltih, mittuminnu pidäy olla gerbal da flavul.

28. syvyskuudu vuvvvennu 1993 suurettah imoittamizettah Karjalan tazavallan Korgevin nNevvosto hyväksyi Karjalan tazavallan valdivollizekse gerbakse gruafiekku Jurii Serafimovič Nivinan lopussah luajitun gerbuprojektan.

Hyväksytty versii perustui Uhtuan tazavallan gerbah(1920—1922), kudaman azui taidoilii Akseli Gallen-Kallela, vaigu suojuksen mua oli tostu luaduu — nygyaigazes variantas käytettih Karjalan tazavallan flavun Karjal-suomelazes socialistizes nevvostotazavallas perindökse suavut värit da ližättih Karjalan kanzallizen ornuamentan elementat.

Se on Ven'an harvoi gerboi, kudamas on käytetty Ispuanien suojus Francien suojuksen sijas.

Kirjalližus

• Ведомости Верховного Совета Республики Карелия № 1—2. — Петрозаводск, 1994.
• Гербы и флаги Карелии. — Петрозаводск, 1994.
• Карелия: энциклопедия: в 3 т. / гл. ред. А. Ф. Титов. — Петрозаводск: «ПетроПресс», 2007. — Т. 1: А — Й. — С. 266—267. — 400 с. — .

Linkat

• Герб Карелии Arhiivukoupii 1 syvyskuudu 2021 Wayback Machine (heraldicum.ru).
• Гербы Карелии Arhiivukoupii 25 tuhukuudu 2008 Wayback Machine.
• Историческая справка об официальных символах Республики Карелия Arhiivukoupii 30 syvyskuudu 2007 Wayback Machine.
• Положение о государственном гербе Республики Карелия Arhiivukoupii 5 oraskuudu 2007 Wayback Machine.
• О карельском гербе и его создателе.