Matkailu Karjalas

Matkailu Karjalan tazavallas on Karjalan tazavallan talovuon erähii aloi, kudai andau läs 5 % kogo syväintuotandon miäräs. Karjalas kuulužat ollah perindölline aktiivine, kul'tuurine, sežo ekolougine matkailu.

Kuvailu

thumb|Валаамъ-laivu vedäy pyhilekävyjien joukkoloi Valamoile Vladimiran lahtespäi (Konevec-suarelluo). Enne kaikkie Karjal muanittelou turistoi omal ekolougizesti puhtahal luonnol, harval rahvahan tihevyöl da kilbailukygyzil hinnoil. Yhtelläh matkailupalvelut ollah tazavallas vie kehittämizen vaihies. Karjalan matkailulaitoksien aloinnu ollah luonnos kiini olijat kezä- da talvimatkailut.

Kezäl Karjalah suvaijah kävvä vezimatkailun suvaiččijat, pyöril da mašinoil matkustelijat, kalastajat da mečästäjät. Luadogan da Oniegujärvie myöte kulgietah eri laitoksien laivat.

Talven aigua Karjalas on mahto harjaittua kaikkii talvisportulajiloi, ottua ozua ajelendoih koirien da pedroin val'l'ahis, ajella motor-regyzil. Matkailulaitokset taritah erilazii matkoi nähtävyksien, histourien da kul'tuuran mustomerkilöin kaččomizienke.

Ymbäri vuvven ruadau Dvorčan tervehyönhoidolu, Ven'an enzimäine tervehyönhoidolu, kudai perustettih vuvvennu 1719 Pedri I:n käskys.

Tazavallan päivänlaskuraja-alovehele kävyjil matkailijoil pidäy keräl olla persounutovesteh (kanzalazen pasportu, lapsil — roindutovestus) mahtonalazeh pasportan tarkastukseh niškoi.

Gallerei

Kul'tuuru-histouriellizet nähtävykset:

• 
  Kižin pogostu Kižin suarel Oniegujärves,
  muailman kuulužu puuarhitektuuran mustomerki
• 
  Valamoi-suari Luadogan järves,
  sie on Valamoin manasteri

• 
  Sordavalan linnan arhitektuuru — pohjaine modernu,
  neoklassicizmu, funkcionalizmu
• 
  Iljinskoin pogostan arhitektuuruansambli

Matkailun luonnon objektat:

• 
  Kivačču Suna-jovel
• 
  Ruskealan kosket Tohmajovel
• 
  Ruskealan mägipuusto

• Jukankoski Kulismajovel
• Kumikoski 70 kilometrii Vuokkiniemespäi luodeheh
• Luadogan kallivosuaret
• Paanajärvi (kanzalline puusto)
• Vienanmeren kallivopiirrokset — muinazet kuvat kallivoloil ei loitton Belomorskaspäi
• Onieganrannikon kallivopiirrokset — neolitan aigazet kallivopiirrokset Puudogan lähäl.
• Vottovaara-mägi

Kirjalližus

• Липский М. Среди болот и водопадов. Карелия — М.;Л., Госиздат, 1929. — 60 с. с илл.
• Макарьев С. А. По Советской Карелии. (Крат. справочник для экскурсанта и туриста по Карелии). — Ленинград — Петрозаводск, «Кирья», 1931. — 117 с.
• Таланов А. В стране белых ночей. — М., «Мол. гвардия», 1957. — 222 с. с илл.
• Туристские маршруты по Карелии. — Петрозаводск; Карел. кн. изд., 1963. — 68 с. с илл.
• Мулло И. М. Памятники и памятные места Карелии. — Петрозаводск, Карел. кн. изд., 1965. — 159 с.
• Шорохов Е. А. Туристский потенциал городов и районов Республики Карелия. — Петрозаводск: Б. и., 2001. — 73 с.
• Карелия: загадочная красота Русского Севера. — Петрозаводск, 2002. — 199 с.: ил.
• Карелия: Путеводитель. — Петрозаводск, 2006. — 320 с.: ил.

Linkat

• Генеральная схема размещения объектов и инфраструктуры туризма в Республике Карелия
• Туристические фирмы Республики Карелия
• Министерство по делам молодежи, физической культуре, спорту и туризму Республики Карелия
• Карелия. Туристский портал // ГУ «Информационный туристский центр Республики Карелия»