Voiton puusto (Petroskoi)

Voiton puusto
Piätiijot
Sijoittumine
<div class="thumb tnone" style="width:320px; border: #; margin: 0 auto;"> <mapframe> ongelmat: Määritteen ”latitude” arvo ei kelpaa Määritteen ”longitude” arvo ei kelpaa

45px|link=|Герб России

Ven'an Federacien kanzoin kul'tuuruperindön objektat № 1030028000

Voiton puusto (ven. Парк Победы) on puusto Petroskoin linnas. Se sijoitui linnan hiestouriellizeh keskuččah Oniegujärven rannal, alovehele, kudai on rajakkai Oniegujärven randupihan, Karl Marksan prospektan, Puškinan uuličan da Levašovan kävelykujonke. Puusto on Karjalan tazavallan kul’tuuruperindön objektu.

Histourii

Uuličču

Vuozisuan XVIII allus Oniegujärven randupiha Petroskoin keskučas oli tavalline uuličču kodiloin, ogrodoin da saduzienke, sie oli haldivorakendustu, varastuo, pihahuonustu, valgamuo. Täs, Sobornoin uuličan (nygözen Karl Marksan prospektan) čupus vuvves 1818 lähtijen kaksikerroksizes kivitalois oli Petroskoin hengelline ujezdan da prihodan opisto, kuduas suan vuvven aigua opastui da piäzi enämbi 1200 hengie.

XIX vuozisuan puolivälis Petroskoin uuliččoin da lagevoloin kuvuamizen kirjois tämä uuličču oli nimel Suuri randupiha (ven. Большая набережная), sen rajat oldih merkitty Lohijoven jovensuus Širokaja-uliččassah, nygöine Levašovan kävelykujo.

Heinykuus vuvvennu 1873 randupihal Petroskoin yhtehizen valgamon lähäl avattih Palermo-hoteli, kuduas oli pertilomuu. Oligi randupihal muanruadajih niškoi.

Elokuus vuvvennu 1885 Petroskoin linnan duuman piätökses uuličale annettih uuzi Vladimirskaja-nimi Suuren kniäzin Vladimir Aleksandrovičan Petroskoile kävyndän mustokse.

Vuvvennu 1897 avattih valdivon viinuvarasto Vladimisrskaja- da Bol’šaja Podgornaja (nygöine Sverdlovan uuličču) -uuliččoin čuppuh kaksikerroksizeh kivitaloih, kuduas oli laukku lähtendyveriänke randupihah päi. Sie spirtas luajittih da myödih stolaviinua da valeltih spirtua. Varastoh kuului 17 valdivon viinan myöndykohtua. Enzimäzen muailman voinan aigua vuvvennu 1914 voimah tulluzen kuivan kieldozakonan mugah zavodu salvattih. Se uvvessah algai toimindan spirtan da viinan zavodannu vuvvennu 1925. Lik’ouru- da viinuzavodu randupihal ruadoi vuodessah 1940, sie valmistettih valgiedu viinua, kargiedu da magiedu viinua, lik’ourua, magiedu, jälgisöymine- da marjulik’ourua. Nevvostoliiton da Suomen välizen voinan (1941—1944) loppiettuu avavui uuzis tuotandotilois Rigačinan uuličal.

Vuvves 1901 algajen Vladimirskaja-uuličal kupčuttaren Ipatovan talois, kudai oli ostettu da srojittu uudehes inženieru Bel’akovan projektan mugah, ruadoi Anuksen gubernien haldivo.

Vuozien 1900 allus uuliččua da järven randupihua pitkin istutettih toppoli-puudu.

Elokuus vuvvennu 1911 Petroskoin linnan piälikön ehoitukses lik’ouru- da viinuzavodan lähäl piädykauti nostetus kolmekerroksizes kivitalois algai ruandan Olonija-yhtymyksen piivonkeitändyzavodu (1923—1941 vuozinnu zavodu ruadoi nimel "Karelija"). Zavodan rakenduksis oldih hienondus-, žiitas läbi laskendu- da keitändytilat. Tuotandon korgeiluadustu konehtamistu turvai azetettu höyrykoneh, kudaman vägevys oli kaksitostu hevon voimua. Piivon kaikkiensuvaittavien "martovskoje", "pil’zenskoje" da "bavarskoje" luaduloin ližäkse luajittih minerualu- da fruktuviet.

Vuvven 1917 jälgeh Vladimirskaja-uuličan nimi oli uvvessah muutettu, se rodih Onieganjärven randupihakse.

Nevvostoliiton da Suomen välizen voinan aigua (1941—1944) kai Petroskoin rakendettu keskusrannikko, Oniegujärven randupihan rakenduksetgi, oldih hävitetty kogonah.

Puusto

Voinan loppiettuu randualoveh oli annettu linnan Voiton puuston järjestämizekse.

Vuozinnu 1950—1960 ylen tervän, linnalazien avun vuoh, linnas piettih suurimat puuloin da tuhjoloin istutusruavot. Istutettih hajutoppolii, raidua, tuhkukl’onua. Vähäzin sai istuttua lehtikuustu, väzipuudu, koivuu da jasenii. Kaikkiedah oli istutettu 43 lajii puudu da tuhjuo.

Vuvvennu 1978 Petroskoin linnan 275-vuozipäivänny puustoh liittyjäh pienembäh puustoh Karjalan kodialovehmuzein talois Urickoin prospektal siirrettih Pedri I:n mustopačas. Kylmykuus vuvvennu 2012 tämä pieni puusto sai virrallizen nimen — Pedrun pieni puusto.

Vuozinnu 1985—1987 randupuuston alovehel piettih tervehyönhoijon da paikan kuanduruadoloi, ruokittih toppolin emäččypuut.

Vuozinnu 1994—1996 luajittih jallaikävelendyrandupiha graniitas. Vuvvennu 1995 randupihal, Levašovan prospektan os’s’an kohtal, nostettih kivine lebokoda-rotondu (arhitektoru N. N. Ovčinnikov).

Vuozien 1990 loppupuolel da vuozien 2000 allus randupihua pitkizin rodih Ulgoilmu -arhitektuuru-da kuvanvestotaijon gallerei, kudai ezittäy Petroskoile ystävyslinnoin lahjoitettuloi avangardan ja postmodernan stiilin tevoksii.

Sulakuus vuvvennu 2019 Voiton puuston histourielline nimi virrallizesti annettih järelleh Petroskoin randupuustole.

Fotogallerei

Vladimirskaja-uuličču (vuozi 1900)	Randupiha (enne 1917)	Pordahat German Titovan uuličal	Kundoilulaittehet	Ystävyspuu-pačas

Kirjalližus

• Сады и парки в истории Петрозаводска / А. С. Лантратова, Е. Е. Ициксон, Е. Ф. Марковская, Н. В. Куспак. — Петрозаводск: ПетроПресс, 2003. — 160 с. — .
• Улицы и площади старого Петрозаводска / к. и. н. Жульников А. М.. — Петрозаводск: Карельский государственный краеведческий музей, 2003. — 48 с. — .

Linkat

• Прибрежный парк Победы Arhiivukoupii 19 kylmykuudu 2019 Wayback Machine