Nikolai Rigačin

<table class="infobox infobox- " style="" data-name="Военный деятель" itemscope itemtype="http://schema.org/Person">Nikolai Ivanovič Rigačin

250px|thumb|left|Nevvostoliiton poštukanvertu, vuozi 1982

250px|thumb|Mustolaudu Petroskois 250px|thumb|Mustomerki Tipinici-kyläs Nikolai Ivanovič Rigačin (19. oraskuudu 1919 — 21. pakkaskuudu 1945) on Nevvostoliiton urhomies, 1. Ukrainan frontan 5. gvardien armien 95. gvardien Poltavan Leninan kunnivomerkin Ruskien Flavun Suvorovan da Bogdan Hmel'nickoin ammundudiviizien 287. ammundupolkan tiijustelii, gvardien Ruskien Armien saldattu.

Eloskerdu

Oli roinnuhes 19. oraskuudu vuvvennu 1919 Tipinici-kyläs, nygöi se kuuluu Karjalan tazavallan Karhumäin piirih. Muamo kuoli, konzu Nikolaile täydyi kaksi vuottu. Tuatto ruadoi kirvesmiehenny, kuoli vuvvennu 1935.

Ruadoi Tipinican eritevolližusartelis kengänombelijannu. Kučuttih Ruskieh Armieh vuvvennu 1938.

Suuren Ižänmuallizen voinan enzipäivinny bataljounu, kudamas sluuži Rigačin, puutui ymbäröičykseh da Rigačin puutui plenah, ga jälles pageni sodakiiniotettuloin luagerispäi.

Keviäl vuvvennu 1944 Rigačinua kirjutettih gvardien ammundupolkan tiijustelijakse. Otti ozua bojuloih läs kaikes oigien rannan Ukrainas, Rumiinies, Pol'šas. Oli palkittu Ruskien Tiähten kunnivomerkil.

21. pakkaskuudu vuvvennu 1945 Kreicburg-linnas Nikolai Rigačin kuoli, hyppätes ambrazuurah da peitti sen omal rungal.

Nikolai Rigačin on pandu muah velleskalmah Pol'šan Kl'učbork-linnas (endine Kreicburg).

Palkindot

• Nevvostoliiton Korgeviman Nevvoston Prezidiuman käskys 10. sulakuudu vuvvennu 1945 johtokunnan bojutehtävien kunnollizes täyttämizes frontal germuanielazii fašistuvalloittajii vastah Rigačinale Nikolai Ivanovičale annettih Nevvostoliiton urhomiehen arvonimi;
• Leninan kunnivomerki (10.04.1945);
• Ruskien Tiähten kunnivomerki (28.01.1945);
• Karjalan tazavallan kunnivokanzalaine -arvonimi (kuoltuu, vuvvennu 2025).

Musto

• Kl'učborkan Linnan radan azetukses 30. elokuudu vuvvennu 1960 linnan puuston piäkujo sai Nikolai Rigačinan nimen;
• Urhomiehen nimi on annettu Petroskoin uuličale;
• Rigačinan kuva on, kui toizien Karjalan 28 Nevvostoliiton urhomiehien kuvat, Nevvostoliiton urhomiehien gallereis, kudai avattih vuvvennu 1977 Karjalan piälinnas Petroskois Antikazen da Ruskien uuličan lohkol;
• Sodahistourielline yhtistys azetti Karjalan Karhumäin piirin Tolvujan školan seinäl mustolavvan Rigačinan mustokse, sit školas opastui urhomies;
• Mustokohtu Karjalan tazavallan Karhumäin piirin Topinici-kyläs, kus seizoi kodi, kudamas oli roinnuhes Rigačin da eli vuodessah 1939;
• Rigačinan nimi oli Muramanskan portan kalastuslaival.

Kirjalližus

• Шутой В. Е. Герой из Заонежья. (Герой Советского Союза Н. И. Ригачин) — Петрозаводск, Госиздат КАССР, 1961. — 44 с. с илл.; 1 л. портр
• Гордиенко А. Карельский парень спит в Ключборге: Киноочерк [о Герое Совет. Союза Н. И. Ригачине] // Север. — 1966. — № 2. — С. 26-66.
• Шутой В. Е. Парень из Заонежья: [Герой Совет. Союза Н. Ригачин] // Герои и подвиги. — М., 1978. — Кн. 6. — C. 88-96.
• Герои земли советской. — Петрозаводск: Карельское книжное издательство, 1968. — С. 271—285. — 367 с. — 20 000 экз.
• Гордиенко А. А. Минута жизни: повесть о Герое Советского Союза Николае Ригачине. — Петрозаводск, 1985. — 120 с.

Linkat

• Дню победы посвящается. Герой Советского Союза Ригачин Николай Иванович.