Man’gu
Kylä
Ozuta/peitä kartoi
Komentosarjavirhe: Moduulia ”wikidataCoords” ei ole. |
|
Ven'an Federacien kul'tuuruperindön objektu |
Man'gu (ven. Маньга) libo Man'gankylä[1] on vahnu karjalaine kylä Karjalan tazavallan Priäžän kanzallizes piiris Priäžän linnukunnas, arhitektuuran komleksumustomerki[2].
Yleistiijot
Kylä on sijoitunnuh 12 kilometrin piäs Priäžäspäi liideheh päi avtodorogal ven. «Р21» Priäžy — Lemetti, Man'ganjoven oigiel rannal. Kyläs koillizes on jyrky mägyriččy, lounahas — suodunuh joven randu. Kylän kauti menöy ainavo uuličču.
Enzikerdua kyliä mainitah Onieganviijendeksen verokniigas vuvvennu 1563 kui Mangan nellitaloihistu algukyliä[3].
Jumaldoman rodivundan časounu
Kyläs on Jumaldoman rodivundan časounu, kudai oli nostettu XVIII vuozisual Pyhän Jumaldoman rodivundan kunnivokse. Časounan kolmeozazen salvoksen piduhus on 14 metrii da levevys on 6,5 metrii, sih kuuluu korgiembi iče časounu kupolanke da sih liittyy päivänlaskuspäi syöndyperti da senčoit, kudamih pohjazespäi da suvespäi mennäh kahtet katetut krinčat. Časounal on rikas čomendus: kupolan reunat on leikattu kruugan muodoh, oččulevolavvat on čomendettu laikkavuksil, ikkunoin ylähäzet ikkunpielet on leikattu kui kuaret. Časoinan leikkavuksil luajittu čomendus luadiu erinomazen vallon da pilvežän vaihton, yksivärizen il'l'uuminacien muuttujan taivahan tagaperäl[4].
Eräs časounan mielenkiinittäjis ozis on kahteksejavon motiivu[4]:
"Časounan kaksipuolistu levuo dubriiruiččou vähästy alemba yhtenjyttyine konstrukcii syöndypertin da senčoin piäl. Kaksipuolizet levon alalavvat čomendetah kellojalgoi. Hyvä puaru rodieu sežo časounan da syöndypertin ikkunois. Senčoih voibi puuttuo kahten katetun krinčan kauti, net ollah rakenduksen pohjas- da suvipuolel simmetrizesti sen piäos'as".
Časounas mainitah ven. «Россия. Полное географическое описание нашего отечества» -kniigan kolmandes ozas, kudai nägi päivänvalgien vuozinnu 1899—1914 Ven'an imperuattorumuantiedoliiton (ven. "Императорское русское географическое общество" varajohtajan P. P. Sem'onovan-T'an-Šanskoin da etnogruafien ozaston piälikön professoru V. I. Lamanskoin ohjavol[4].
Vuvves 1960 Man'gan časounu on Karjalan tazavallan arhitektuuran mustomerkinny[5], oli restvriiruittu vuozinnu 1970. Vuvven 2013 tiedoloin mugah se kuuluu Karjalan tazavallan 100-vuozipäiväkse restevroittavien objektoin luvetteluh (2020 vuozi).
Obrazet "Znamenii" da "Nikola", kudamat enne čomendettih časounua, nygöi ollah Valdivollizes ven'alazes muzeis[4].
Rahvahan lugumiäry
| 2010 | 2013 |
|---|---|
| 33 | ↗35 |
Gallerei
-
Uvvet da vahnat koit. -
Puuhine taloi, kudamas on eläjiä. -
Vahnu puuhine taloi. -
Nägöala Man'gan kyläle da avtodorogale ven. «Р21» Priäžy — Lemetti.
Huomavukset
- ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
- ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
- ↑ Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: «ПетроПресс», 2009. — С. 193—194. — 464 с.: ил., карт. ISBN 978-5-8430-0125-4 (т. 2)
- ↑ 4,0 4,1 4,2 4,3 Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
- ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
Komentosarjavirhe: Moduulia ”Check for unknown parameters” ei ole.
Kirjalližus
- Орфинский В. П. Деревянное зодчество Карелии. — Л., 1972
- Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. — 464 с.: ил., карт. — С. 193—194 ISBN 978-5-8430-0125-4 (т. 2)
Linkat
Komentosarjavirhe: Moduulia ”Navbox” ei ole.