Kinnermy

Kylä Kinnermy ven. Кинерма Mua [[]] Koordinuatat Johtai Perustettu enzimäinen mainičendu 1563 Pindu-ala km² Rahvastu Aiguvyöhykeh Telefonan koudu Poštuindeksat Virralline sivu Ozuta/peitä kartoi

Kinnermy on vahnu karjalaine kylä Karjalan tazavallas Priäžän kanzallizes piiris Vieljärven kyläkunnas.

Yleistiijot

Kinnermy on kuvven kilometrin piäs Vieljärven kyläspäi. Vieljärven čupule rahvastu tuli elämäh XVI vuozisual. Enzimästy kerdua Kinnermän kyliä mainitah vuvvennu 1563. On olemas mieli, ku rahvas azetuttih nämmile mualoile, ku ymbäri oli äijy hyviä vägeviä muadu.

Nygöi kyläs on 16 taloidu. Vahnembat niilöis on salvettu XVIII vuozisual da XIX vuozisuan allus. Taloit kyläs on nostettu vahnas kuuzikos ymbäri. Sit kuuzikos on Smolenskoin Jumaldoman časounu, kudai on nostettu XVIII vuozisual.

Arhitektuuran mustomerkinny kyläs ollah:

• Kačalovan taloi (XIX vuozisuan loppu)
• Gavrilovan taloi (XIX vuozisuan loppu)
• Davidovan taloi (vuozi 1924)
• Kuznecovan taloi (XIX vuozisuan toine puoli)
• Jeršovan taloi (XIX vuozisuan toine puoli)
• Stafejevan taloi (XIX vuozisuan loppu)
• Kuznecovan kyly (vuozi 1902) da toizet.

Vuvvennu 2001 on perustettu yhteiskunnalline yhtistys "Kinnermäen ystävät ry".

Vuvvennu 2016 Kinnermy puutui Ven'an kaunehimien kylien joukkoh.

Kinnermäs ruadau muzei.

Kinnermän rahvahan lugumiäry

Vuvvennu 1905 Kinnermäl eli 117 hengie

2010	2013
6	→6

Nygöi kyläs ymbäri vuvven eläy yksi pereh, kezäl sih tulou kezämökkilästy da äijy matkailijua.

Gallerei

• 
  Kinnermän kylä
• 
  Kinnermän časounu
• 
  Kinnermän kylä
• 
  Kyläh tulendu Vieljärvespäi
• 
  Kyläs läbi menii avtotie
• 
  Kinnermän taloit

Kirjalližus

• Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. С. 56 — 464 с.: ил., карт. ISBN 978-5-8430-0125-4 (т. 2)

Linkat

• Kinnermäen ystävät ry
• Kinnermän kylä. Matkuopas
• Ven'an kaunehin kylä