Viktor Trošev

<table class="infobox infobox- " style="" data-name="Карточка фотографа" >

Viktor Vasiljevič Trošev (27. talvikuudu vuvvennu 1924 — 24. kylmykuudu vuvvennu 2018) on Nevvostoliiton da Ven'an fotokuvuaju, Karjalan avtonoumizen socialistizen nevvostotazavallan kul'tuurualan arvostettu ruadai (1974), Ven'an federatiivizen socialistizen nevvostotazavallan kul'tuurualan arvostettu ruadai (1985).

Eloskerdu

Oli roinnuhes Käppisellän kyläh (nygöi Karjalan tazavallan Kondupohjan piiri) vuvvennu 1924. Tuattah ruadoi jovelajajannu. Pereh muutti Petroskoih, kus Viktor Trošev loppi školan. Tuattah kuoli vuvvennu 1935.

Suuren Ižänmuallizen voinan allettuu pereh työttih Petroskoispäi evakkoh Sverdlovan alovehele. Evakos Trošev ruadoi puolistuszavodal gruššiekannu, lämmittäjänny. Elokuul vuvvennu 1942 händy 17-vuodehizennu otettih armieh, sluuži pulem’outasambujannu da granuattuheitinmiehenny. Kaksi kerdua oli ruanittu. On palkittu kahtel Mainehkunnivomerkil da Suuren Ižänmuallizen voinan II astien kunnivomerkil. Voinan loppi Venas Avstries granuttuheitinjoukon seržantu-piälikönny. Jälles voinua jatkoi sluužban armies.

Armiespäi piästyy tuli järilleh Petroskoih. Vuozinnu 1950—2000 ruadoi paikallizis lehtilöis: "Leninskaja Pravda", "Junii Leninec", "Molod’ožnaja gazeta", "Severnii Kurjer", Neuvosto Karjala. Jälgimäzet ruadovuvvet Trošev oli karjalankielizen Oma Mua –lehten fotokuvuajannu. Eläkkehele lähti 74-vuodehizennu.

Viktor Ttrošev andoi lähes 19 806 omua kuvua da negatiivua Karjalan tazavallan Kanzallizeh arhiivah. Nämmä ollah vuozinnu 1950-1997 luajitut harvinazet da arvokkahat kuvat, sendäh ku hänen silmän nähten nostettih Kostamuksen linnua, salvattih suurii jogiloi da kuivattih suoloi.

Palkindot da arvonimet

• Vuvvennu 2003 Karjalan Žurnalistoin Liitto palkičči Viktor Troševua "Neros da arvos".
• K. S. Jeremejevan nimizen palkindon laureattu.

Kirjalližus

• Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: ИД «ПетроПресс», 2011. С. 165—384 с.: ил., карт. ISBN 978-5-8430-0127-8 (т. 3)
• Карпенко, А. Фотолетописец / А. Карпенко // Ветераны Великой Отечественной : по страницам районной газеты. - Кондопога, 2005. - С. 160-162
• Трошев В. Виктор Трошев : "Вы все еще не понимаете, какую страну потеряли !" :[беседа с фотожурналистом / вела Н. Витива] // Губернiя. - 2003. - 8-14 января (№ 2). - С. 10.

Linkat

• Виктор Трошев
• Фотограф, запечатлевший историю края
• Интервью (2003 год)
• Легенде карельской фотожурналистики исполнилось 90 лет
• Не стало фотожурналиста Виктора Трошева
• Умер знаменитый карельский фотожурналист