Vavilov Gennadii Aleksejevič

<table class="infobox infobox- " style="" data-name="Музыкант" itemscope itemtype="http://schema.org/Person">Gennadii Vavilov

Gennadii Aleksejevič Vavilov (ven. Генна́дий Алексе́евич Вави́ловрод, ) on säveldäi, opastai, Ven'an federatiivizen socialistizen nevvostotazavallan taidoalan arvostettu ruadai (1987), Karjalan tazavallan rahvahan artistu (1995).

Eloskerdu

Suuren Ižänmuallizen voinan aigua oli polkan poijannu — frontan torvensoittajannu.

Vuvvennu 1948 loppi Ufan sodamuuzikkuopiston torven opastundukursan, vuvvennu 1958 — Moskovan konservatourien tyves toimijan muuzikkuopiston (J. I. Messneran säveldysopin opastundukursan). Vuozinnu 1959—1960 häi opastui Moskovan konservatouries professoru J. K. Golubevan kursal.

Vuvves 1966, Leningruadan konservatourien opastuksen loppiettuu (professoru O.A. Jevlahovan säveldysopin opastundukursu), rubei K. E. Raution muuzikkuopiston opastajakse, vuvves 1968 ruadoi Petroskoin konservatourien muuzikku- da säveldysopin laitoksel.

Vavilov — Petroskoin A. K. Glazunovan nimizen valdivollizen konservatourien professoru, Nevvostoliiton säveldäjien liiton ozanottai (1968), Karjalan tazavallan säveldäjien liiton ozanottai.

Häi on yhteisruavos Petroskoin keskiškolanke № 1 taijon da estietiekan opastusainehien syvän opastuksenke, Kostamuksen lapsien muuzikkuškolanke, kudamale oraskuus vuvvennu 2000 pandih hänen (Vavilovan) nimi.

Vuvves 2002 lähtijen Kostamukses järjestetäh Kanzoinvälisty avvonastu Gennadii Vavilovan nimisty nuorien pianistoin kilbua.

Luomisruado

Minul on varmu mielikandu sit, gu ni yksi säveldäi ei voi olla da ruadua rahvahan taijon turvattah.

— G. А. Vavilov

Vallitut tevokset

• 17 sonuattu fortepianoh niškoi;
• 6 simfouniedu;
• simfoniettu;
• Eeppine runoelmu simfouniiorkestrah niškoi;
• Vepsäläine rapsoudii;
• 9-ozaine Karjalaine tetratti;
• 14 fortepianon sarjua;
• kaksi sonuattua viuluh da fortepianoh niškoi;
• kaiksi viulukonsertua;
• jouhikvartiettu;
• enämbi sadua vokualutevostu.

Kirjuttau muuzikkua lapsilegi.

Kondupohjan zor’at -pajo (ven. «Кондопожские зори», 1986) äijän vuottu oli Kondupohjan linnan pajonnu da gimnannu, sen meloudii oli Kondupohjan ruadivon kučundumerkinny.

Palkindot da tunnustamine

• Karjalan avtonoumizen socialistizen nevvostotazavallan komsomolan palkindo (1978);
• Karjalan avtonoumizen socialistizen nevvostotazavallan taidoalan arvostettu ruadai (1981);
• Ven'an federatiivizen socialistizen nevvostotazavallan taidoalan arvostettu ruadai (1987);
• Karjalan tazavallan rahvahan artistu (1995);
• Karjalan tazavallan laureattu (1998).
• Muailman kul’tuuru-, tiedo- da taidoaloin ruadajien kongresan palkindot:
  • Suuri kuldumedali, Superneros taidoalal -platinudisku, Vuvven ristikanzu-96 -tunnustamine (XXIII kongressu, San-Francisko, Amierikan Yhtysvallat; 1996);
  • Suuri kuldumedali, Vuvven ristikanzu-96 -tunnustamine (XXIV kongressu, Oksfordu, Yhtistynnyh Kuningaskundu; 1997);
  • Suuri kuldumedali, "Kuldaine avain" (XXV kongressu, Uuzi Orleanu, Amierikan Yhtysvallat; 1998).
• (30. syvyskuudu vuvvennu 2002) — monivuodehizes tuloksellizes toimindas kul’tuuran da taijon alal;
• Petroskoin kunnivokanzalaine (2007);
• Karjalan kunnivokanzalaine (2011);
• Petroskoin valdivonyliopiston kunnivodouhturi (2013);
• (20. oraskuudu vuvvennu 2013) — suuris arvotegolois kodimuan kul’tuuran da taijon kehittämizen hyväkse, monivuodehizes tuloksellizes toimindas;
• Sampo-kunnivomerki (28. ligakuudu vuvvennu 2019, Karjalan tazavaldu) — ylen arvokkahis tegolois Karjalan tazavallan da tazavallan eläjien hyväkse kul’tuuran, taijon, tiijon, sportan, tervehyönhoijon, valdivon rakendamizen aloil da suuris merkittävis suavutuksis talovuollizes, sociualu-kul’tuurizes, valdivollizes da yhteiskunnallizes toimindas;
• Gennadii Vavilovan nimi on pandu viijendehtostu Ken on ken? -luvettelun tomah (Kanzoinväline bibliogruafiikeskus, Kembridžu).

Kirjalližus

• Композиторы и музыковеды Карелии. — Петрозаводск, 1987.
• Профессиональная музыка Карелии: Очерки. — Петрозаводск, 1995.
• Аннотированный каталог фортепианных сочинений Г. Вавилова. — Петрозаводск, 2005.
• Вавилов, Геннадий Алексеевич // Большая русская биографическая энциклопедия (электронное издание). — Версия 3.0. — М.: Бизнессофт, ИДДК, 2007.