Tverinkarjalazet

<table class="infobox infobox- " style="" data-name="Этническая группа" >Tverinkarjalazet

Tverinkarjalazet (lähti Tveri -linnan nimes karjalan kielel) ollah Karjalazet -subetnossu, eletäh Tverin alovehel. Paistah tverin karjalan murrehtu, kudamah subetnosan eländypaikkoin erižeolendan periä tuli vähembi laihinsanua Baltiekkumerensuomelazis kielis migu toizih murdehih. Kogo Ven’an rahvahanluvun vuvven 2010 tiedoloin mugah, tverinkarjalazien lugumiäry oli 7394 hengie (heis vai 25 sanoi, gu maltetah vai muamankieldy).

Histourii da alguperä

Tverinkarjalazet, kudamien roindupaikannu oli Vadjan viijendeksen Korelan ujezdu, tuldih Tverin čupule muuton aigua, kudai eri tiedoloin mugah algavui XV—XVI vuozisualoil. Konzu Ven'a oli voitettu Ven'a-ruoččilazes voinas (1610—1617) da oli allekirjutettu Stolbovan vuvven 1617 rauhusobimus, rahvas joukolleh ruvettih siirdymäh, pagenemah toizile eländypaikoile. Rauhusobimuksen mugah Ruočin kuningaskundah mendih Vadjan viijendeksen Korelan ujezdu, Orehovan ujezdu, Koporjan ujezdu, Jamskoin ujezdu da Ivangorodan ujezdu. Enin rahvastu lähti omil eländypaikoilpäi vuozinnu 1640—1660. Suuren muuton yllytti iče Ruočin valdivovaldu omal poliitiekal uuzien kanzalazien kohtah. Muga Ruočin vallasolijat tahtottih vägehes ristie rahvastu pravosluavizes uskos protestantizmah. Uskoahtistuksien täh pravosluavizet karjalazet ečittih abuu da puolistamistu cuari Aleksei Mihailovičal. Nenga vuodessah 1670 Bežeckoin Verhan ven’alazile mualoile, mit oldih tyhjinny nälgyvuozien da julgien aijan kylien hävitändän jällel, tuli elämäh 25—30 tuhattu pravosluavistu karjalastu.

Ven’an Jevroupan ozan etnogruafiellizen kartan oza. P. I. K'oppen, vuozi 1851. Ollah merkitty (№ 14) alovehet, kunne tuldih karjalazet.

Erähät tutkijat monien yhtehizien merkilöin da eroloin perustehel tverin karjalazien joukkoh ližätäh vähäluguzet Tihvinän da Valdain karjalazien subetnizet joukot, netgi roittih yhtelaigua da samanjyttymis ololois.

XIX vuozisual karjalazet jo elettih Tverin da Jaroslavl'an gubernieloin rajaujezdois, ga Ven’an valdukunnan vuvven 1897 rahvahanluvun kirjoil ei olluh rahvastu, ken karjalan kieldy olis pidänyh muamankielenny.

Vuvven 1926 rahvahanluvun tiedoloin mugah Tverin gubernies tverinkarjalastu oli 140 567 hengie, heis ebämbi 95 % oldih karjalan kielen maltajat rahvas.

Vuozinnu 1937—1939 sillozen Kalininan alovehel oli perustettu Karjalan kanzalline piiri, piirin keskučannu oli Lihoslavl'an linnu. Vuvves 1997 algai toimindan Tverin karjalazien kanzallis-kul’tuurine avtonoumii.

Tverinkarjalazien lugumiärän ylen ravei vähenemine, kudai on merkitty virallizes statistiekas, sellitetäh kylien rahvahan (enimäl ruadajien nuorien) muutandal linnoih sego tevolližuskeskuksih vuozinnu 1950. Suurin oza tverin karjalazis sen periägi ven’avui.

Tverinkarjalazien lugumiärän dinamiekku

<timeline> ImageSize = width:450 height:300 PlotArea = left:50 right:40 top:20 bottom:20 TimeAxis = orientation:vertical AlignBars = justify Colors =

 id:gray1 value:gray(0.9)

DateFormat = yyyy Period = from:0 till:140567 ScaleMajor = unit:year increment:40000 start:0 gridcolor:gray1 PlotData =

 bar:1834 color:gray1 width:1 
  from:0 till:83304 width:15  text:83,3 textcolor:red fontsize:8px
 bar:1859 color:gray1 width:1 
  from:0 till:95103 width:15  text:95,1 textcolor:red fontsize:8px
 bar:1873 color:gray1 width:1 
  from:0 till:105743 width:15  text:105,7 textcolor:red fontsize:8px
 bar:1886 color:gray1 width:1 
  from:0 till:132332 width:15  text:132,3 textcolor:red fontsize:8px
 bar:1926 color:gray1 width:1 
  from:0 till:140567 width:15  text:140,6 textcolor:red fontsize:8px
 bar:1939** color:gray1 width:1 
  from:0 till:119957 width:15  text:120,0 textcolor:red fontsize:8px
 bar:1959** color:gray1 width:1 
  from:0 till:59120 width:15  text:59,1 textcolor:red fontsize:8px
 bar:1970** color:gray1 width:1 
  from:0 till:38064 width:15  text:38,0 textcolor:red fontsize:8px
 bar:1979** color:gray1 width:1 
  from:0 till:30387 width:15  text:30,4 textcolor:red fontsize:8px
 bar:1989* color:gray1 width:1 
  from:0 till:29177 width:15  text:29,2 textcolor:red fontsize:8px
 bar:2002** color:gray1 width:1 
  from:0 till:14633 width:15  text:14,6 textcolor:red fontsize:8px
 bar:2010** color:gray1 width:1 
  from:0 till:7394 width:15  text:7,4 textcolor:red fontsize:8px

</timeline>

* Nevvostoliiton alovehel

** Tverin alovehel

Geneetiekku

Tverin karjalazil enimistönny ollah Y-hromosomoin gaplojoukot ven. Гаплогруппа N1a1 (Y-ДНК)|N1a1a1a1a2-Z1936 (31 %) da ven. Гаплогруппа R1a (Y-ДНК)|R1a-М198 (xM458) (30 %). Kolmandel sijal ollah ven. Гаплогруппа N1a1 (Y-ДНК)|Y-hromosomoin gaplojoukko N1a1a1a1a1a-VL29 (18 %), nelländel — ven. Гаплогруппа I1 (Y-ДНК)|Y-hromosomoin gaplojoukko I1-M253 (7 %).

Karjalazien leviemine Federuallizes keskusokrugas linnoi da kylii myö %:s, vuozi 2010 

Leviemine

Karjalazien lugumiäry Tverin alovehel (vuozi 2010)

• Lihoslavl'an piiri — 2462 hengie (16 % piirin rahvaskunnas)
• Tveri — 1119 hengie
• Spirovon piiri — 978 hengie (8,2 % piirin rahvaskunnas)
• Ruameškan piiri — 903 hengie
• Maksuatihan piiri — 881 hengie
• Kalininan piiri (Tverin aloveh) — 332 hengie

Kieli

Toizis kielis da karjalan kielen murdehis tverinkarjalazien kieli säilyi muinazen kielen muvvos, toinahgi se on lähembi kaikkii karjalazien yhtenästy kandukieldy. Ollah sidä mieldy, gu tverin murdehen sanoston kehitykseh vaikutettih laihinsanat keskiaijan kielespäi, kudai tänäpäi on kogonah hävinnyh. Varmoi tiedoloi kirjukielen ilmestymizes tverin karjalazil ei ole. XIX vuozisual se jo oli kiriillizen kirjaimikon pohjal, vuozinnu 1930 käyttöh otettih kirjukieli, kudaman pohjannu oli latinalaine kirjaimikko da kudai tuaste vaihtettih uudehes luajittuh kiriillizeh.

Tutkimine

Suuren panoksen Tverinkarjalazien histourien tutkimizeh azui Golovkin Anatolii Nikolajevič

Tverinkarjalazien kanzallis-kul'tuurizen avtonoumien piämiehet

Vinogradov Vasilii Aleksejevič

Orlov Mihail Mihailovič

Jolkin Viktor V’ačeslavovič

Golovkina Zinaida Ivanovna

Turičev Nikolai Aleksandrovič

Kirjalližus

• Макаров Г. Н. Образцы карельской речи: Калининские говоры. Сборник. — М.-Л.: Изд-во АН СССР, 1963.
• Головкин А. Н. История Тверской Карелии. Тверь. Издательство Альба, 1999—169 с.
• Головкин А. Н. Карелы: от язычества к православию. Тверь. Издательство Студия-С, 2003—175 с.
• Финно-угры и балты в эпоху средневековья. Археология СССР. Под ред.: Рыбаков Б. А. — М., 1987 г.
• Финны в Европе. В 2 томах. — М., 1990 г.
• Прибалтийско-финские народы России / Отв. ред. Клементьев Е. И., Шлыгина Н. В. — М.: Наука, 2003. — (Народы и культуры).