Uljas Vikström

<table class="infobox infobox- " style="" data-name="Писатель" >Uljas Vikström

Uljas Karlovič Vikström (ven. У́льяс Ка́рлович Ви́кстрем; suom. Uljas Vikström; ) on Nevvostoliiton kirjuttai, redaktoru, kiändäi, kirjalližusarvostelii, kirjutti suomen da ven'an kielel. Karjalan avtonoumizen socialistizen nevvostotazvallan kul'tuurualan arvostettu ruadai.

Eloskerdu

Vikströmän tuattah oli ruskien gvardien saldattu, häi perehenke jälles kanzallizen voinan hävitändiä Suomes vuvvennu 1918 muutti Ven'ale.

Vuvvennu 1933 Uljas Vikström loppi Leningruadan žurnalistiekan instituutan, vuvvennu 1935 loppi Leningruadan Marhlevskoin nimizen kanzallizien vähembistölöin instituutan. Oli Leningruadan proletuarien kirjuttajien liiton ozanottajannu, hänen tevoksii jullattih suomenkielizis žurnualois peittonimel Kullervo Kynämies (ven. Куллерво Кюнямиэс).

Oli Suurel Ižänmuallizel voinal 23. armien poliittizen ozaston instruktorannu. Otti ozua Leningruadan puolistamizeh.

Vuvvennu 1950 Vikströmua otettih Nevvostoliiton kirjuttajien liittoh.

Vuozinnu 1955—1971 oli Punalippu-žurnualan piätoimittajannu.

Vuozinnu 1971—1975 oli Karjalan avtonoumizen socialistizen nevvostotazavallan Kirjuttajien liiton piälikönny, händy vallittih Karjalan avtonoumizen socialistizen nevvostotazavallan Korgeviman Nevvoston deputuatakse.

Kirjuttajua tundietah ei vaiku prouzu- da druamutevoksis, häi oli kuulužu kirjalližusarvostelii da kiändäi. Häi kiändi ven’an kielele Leninan monii kirjutuksii, Č. Aitmatovan, K. Paustovskoin, N. Pogodinan A. Fadejevan, M. Šolohovan tevoksii.

On pandu muah Petroskois Suolusmäin kalmužimale.

Pereh

Tytär — Terttu Vikström (1932—1990) — prouzankirjuttai, runoilii, kiändäi, Karjalan avtonoumizen socialistizen nevvostotazavallan kul’tuurualan arvostettu ruadai.

Palkindot

• Ruskien Ruadoflavun kunnivomerki
• Ruskien Tiähten kunnivomerki (15.08.1944)
• Kunnivon kunnivomerki (22.09.1959)
• medalit

Bibliogruafii

• Вперёд, народ трудовой !: Роман / Пер. с фин. Т. Сумманена, Ю. Сурхаско — Петрозаводск, 1958. — 243 с.
• Оску Сувела: Повесть / Пер. с фин. Т. Викстрем, В. Машина — Петрозаводск, 1964. — 107 с.
• Суоми в огне: Роман / Пер. с фин. Т. Сумманена, Т. Викстрем, В. Машина — Петрозаводск, 1968. — 480 с.
• Тойво Антикайнен: Док. повесть / Пер. с фин. Т. Викстрем, В. Машина — Петрозаводск, 1970. — 240 с.
• Отто Куусинен: Док. повесть / Пер. с фин. Т. Викстрем, В. Машина — М., 1972. — 111 с.: ил.
• Эйла: Повесть / Пер. с фин. Т. Викстрем, В. Машина — М., 1977. — 160 с.
• Hyvien ihmisten seurassa [Среди добрых людей: Книга воспоминаний]: Hajamustoja — Petroskoi, 1978. — 188 s.
• Martva ja hänen lapsensa [Мартва и её дети: Роман]: Romaani — Petroskoi, 1988. — 247 s.
• Isä ja tytär [Отец и дочь: Повести и рассказы]: Pienoisproosa — Petroskoi, 1992. — 194 s.

Kirjalližus

• Очерк истории советской литературы Карелии. — Петрозаводск, 1969. — О Викстреме У. К.: с. 285—291
• Алто Э. Л. Советские финноязычные журналы. 1920—1980 — Петрозаводск, 1970

Linkat

• К 100-летию Ульяса Викстрема
• У. К. Викстрем
• У. К. Викстрем. Национальный архив Республики Карелия