Toivomuskuuzi

<table class="infobox infobox- " style="" data-name="Некоммерческая организация" >«Toivomuskuuzi»

"Toivomuskuuzi" (ven. Ёлка желаний) on Ven'an hyvyönluadii tapahtumu, kudaman tarkoituksennu on täyttiä lapsien, ijäkkähien rahvahien da vaivazien ristikanzoin uvvenvuvven toivoloi. Sidä joga vuottu on järjestännyh "Enzimäzien liikeh" federuallizen Ven’an nuorižo -aziihuollon kannatuksel vuvves 2018 lähtijen.

Täs projektas jogahine ristikanzu ("täyttäi") voibi todevuttua toizen ristikanzan ("huaveilii") toivehen. Tapahtumas on tulluh sen olemasolemizen aigua yksi suurimis Ven’an hyvyönluadijois alguhpanolois, kudai pani yhteh tuhanzii ozanottajii da partn’oruyhtistyksii ymbäri muadu.

Histourii

Toivomuskuuzi-tapahtumu rodih ozakse hyvyönluadijua Huaveile yhtes minunke -projektua, kudaman työnnytettih vuvvennu 2014 hyvyönluadijannu alguhpanonnu Tatarstuanan tazavallas. Projektan alguperäine tarkoitus oli täyttiä lapsien da vagavah voimatunnuzien ijäkkähien rahvahien toivoloi — andua heile enimiten ei-ainehellistu lahjua, a eläviä tunduo da vaikutustu. Enzimäzenny todevui tyttözen toivo, kudai tahtoi lendiä lendokonehen ohjavos.

Vuvvennu 2018 projektu rubei kuulumah prezidentan Ven'a — mahtoloin mua -yhtistyksen programmah. Sil samazel vuvvel talvikuus Kanzoinvälizel omatahtozien fourumal Moskovas Ven’an piämies Vladimir Putin tuttavui projektah da otti sih ozua todevuttamal viijen lapsen toivot. Terväh uvvenvuvven hommu sai Toivomuskuuzi-nimen.

Enzimästy kerdua tapahtumu piettih vuvven 2019 kynnyksel. 27. talvikuudu vuvvennu 2018 Moskovan Kremlis Valdivollizen Nevvoston istundon hantuzis pandih uvvenvuvven kuuzet, kudamat čomendettih poštukartočkoil lapsien toivoloinke. Halličuksen ozanottajat, ministrat da gubernuattorat yhtyttih tapahtumah, otettih kuuzelpäi toivoloil taytettylöi uvvenvuvven kerii da todevutettih net. Aijan mugah tapahtumah yhtyttih toizetgi valdivollizet virgumiehet da kauppulaitoksien pidäjät sego rahvas.

Vuvves 2022 lähtijen tapahtuman järjestäjänny on -yhtistys.

Toimindu

Tapahtuman piätarkoituksii on lahjoittua hyviä mieldy, tuvva iluo da tunduo uvvenvuvven čuudoh. Ozanottajat, "huaveilijat", jätetäh omat pakičukset projektan virrallizele verkosivustole. Heijän huavehet nävytäh virtualizil da tovellizil uvvenvuvvven kuuziloil, kudamat ollah azetettu partn’oroin kentil.

Huaveilii-ozanottajien kategouriet:

• 3-17 -vuodehizet lapset da ijäkkähät rahvas, kel on enämbi 60 vuottu;
• orboit da lapset, ket jiädih vahnembien huolenpivottah;
• lapset da aiguzet rajoitettuloin rungallizien kygylöine libo niistiet;
• lapset, kudamil on hengenvaravotervehys;
• lapset vähävarazis perehispäi;
• lapset erillizen voinuoperacien ozanottajien perehispäi;
• lapset, kudamat eletäh Doneckan rahvahan tazavallan da Luganskan rahvahan tazavallan alovehil, Zaporožjan da Hersonan alovehil, sego bombituksis kärzinyzil raja-alovehil.

Ozanottajien jätetyt toivot voijah olla ainehellizet (ezimerkikse, bobazet, gadžetat, sportuvehkehet) libo ei-ainehellizet (matku toizeh linnah, vastavundu kuulužan ristikanzanke, käyndy toimenpidoloih). Lahju voi olla vuottamatoigi vastahottajale, sih niškoi ennepäi varustetah scenuarii, sen varustai, "toivomuksen täyttäi", iče valliččou lahjan "huaveilijan" mielenkiindoloin da indoloin perustehel.

Vuvvennu 2025 jogahine voibi roita "toivon täyttajäkse" valličendal toivon verkosivustol libo otandal poštukartočkan tapahtuman partn’orukeskuksen kuuzelpäi. Yhtyö tapahtumah voibi kui ičel käis kätty (očno), mugai loittuolpäi (distantuformuatas). Yksittäzien rahvahien ližäkse tapahtuman hommis ollah firmat, valdivollizet virrastot da yhteiskunnallizet yhtistykset.

Tapahtuman tulokset da miäry

Vuvvennu 2018 Toivomuskuuzi-tapahtuman aigua oli täytetty 450 toivuo. Niilöin miäry kazvau vuozi vuottu:

• 2020: täytettih enämbi 13,5 tuhattu toivuo;
• 2021: täytettih enämbi 38 tuhattu toivuo;
• 2022—2023: täytettih vähiä vajai 47 tuhattu toivuo;
• 2023—2024: täytettih läs 60 tuhattu toivuo.

Vuvven 2025 loppupuolen tiedoloin mugah tapahtuman olemasolendan aigua enämbi 320 tuhattu toivuo oli täytetty enämbi migu 4 miljardah rubl’ah. Tapahtumah otti ozua enämbi 120 tuhattu toivoloin täyttäjiä da 1,5 tuhattu partn’oruyhtistysty. Tapahtumu piäzi kanzoinvälizele tazole: sih yhtyttih ven’alazet, ket eletäh Ispuanies, Itualies, Francies, Kipran tazavallas da Serbies.

Partn’orat

Tapahtuman piäpartn’orannu on federualline -aziihuoldo. Tapahtumua tugietah hyvyönluadijat fondat, yhteiskunnallizet da kaupallizet yhtistykset: ezimerkikse, Vunukat-fondan yhtehizen ruavon hantuzis todevutetah yksinäzien ijäs olijoin rahvahien toivot.

Uvvet formuatat

Uuttu ruadoformuattua on otettu käyttöh vuvves 2025 lähtijen:

• "Pruazniekku stolale" on yhtehine hommu Rus'-einehtavarfondan da -kauppukompuanienke vähävarazien perehien tugemizekse einehpakietoil;
• "Vunukat lahjoinke" — yhtesruavon levendämine Vunukat-fondanke vahnoin rahvahien avvuttamizekse.