Tamara Jufa

<table class="infobox infobox- " style="" data-name="Художник" >Tamara Grigorjevna Jufa Kategouriet:Taidoilijat, kudamii tundietah peittonimel

Tamara Grigorjevna Jufa (neissugunimi Čvanova, 2. kevätkuudu 1937, Lipeckan alovehen Kolodeznaja-kylä — 6. ligakuudu 2022, Petroskoi) on Ven'an Federacien arvostettu taidoilii (1999), Karjalan rahvahan taidoilii, Karjalan avtonoumizen socialistizen nevvostotazavallan taidoalan arvostettu ruadai (1985), Karjalan avtonoumizen socialistizen nevvostotazavallan Valdivollizen palkindon laureattu (1979), Petroskoin kunnivokanzalaine.

Eloskerdu

Oli roinnuhes Lipeckan alovehen Kolodeznaja-kyläs. Lapsusaigu meni Jel'cas. Vuozinnu 1956—1960 opastui Leningruadan taido-opastuksen opistos. Vuvves 1960 ruadoi Karjalan avtonoumizen socialistizen nevvostotazavallan Ladvan školas, vuvves 1964 eli Petroskois.

Tamara Jufa on tundiettu gruafiekas omil ruadoloil Kalevala-eeposan mugah. Hänen enzimäzien ruadovuozien ruadoloi ollah – ”Syöjätär” (1962), ”Louhi da tytär”, ”Pohjolan andilas”, ”Aino” (1963), ”Runonpajattajat” (1966) da toizet. Kuvat on luajittu mustuvalgies gruafiekas, toiči on käytetty ohrua (”Tuonelan joučen”, 1965; ”Marjatta”, 1968; ”Andilahan itku”, 1973; ”Kuolendan jouččenen jälles”, 1974).

Aijan mendyy koloriittu rodih eriluaduzekse, ruadotaba oli hivottu – ”Kandelehelsoittai” (1977), ”Kompozicii” (1984), ”Andilas” (1982), ”Pohjola” (1984), ”Aino” (1987).

Taidoilii luadi stankukompozicieloi Sana polku Igorevah nähte -tevoksen mugah (kolmeozaine tevos, 1966), luadi kuvat Kalevala-eeposan painoksih nähte (1966, 1970 da 2000), Kuolluon tsuarittaren da seiččemen bohatterin suarnah nähte (1970, 1978), Andersenan, Topeliusan, Grimm-velleksien, Perron da toizien kirjuttajien suarnoih nähte.

Tamara Jufa on ekslibrisoin luadii.

Ruadoi Karjalan tazavallan kanzallizes teatras, Karjalan tazavallan tyttiteatras lavastajannu, luadi dekoraciet spektakliloih Topeliusan, Ibsenan da Lindgrenan tevoksien mugah.

Suurin vuitti taidoilijan tevoksii on ruokos Karjalan tazavallan taidomuzeis. Hänen tevoksii on sežo Karjalan tazavallan kanzallizes muzeis, Arhangelin da Siktivkaran muzeilois.

Kuoli 6. ligakuudu vuvvennu 2022. On pandu muah Petroskoin Suolusmäin kalmužimale (№ 5).

Pereh

Tytär Margarita Jufa (roinnuhes 1960) on gruafiekku, kniigoin kuvittai, lavastai.

Kirjalližus

• Справочник членов Союза художников СССР. Т. 2. — М.: Советский художник, 1979. С. 628.
• Карелия: энциклопедия: В 3 т. / Гл. ред. А. Ф. Титов. Т. 3: Р — Я. — Петрозаводск: «ПетроПресс», 2011. — 384 с.: ил., карт. ISBN 978-5-8430-0127-8 (т. 3) — С. 305.
• Калинин Е. С. Художники Карелии. — Петрозаводск, 2000.

Linkat

• Tamara Jufa
• Tamara Jufa. Suarnukaunehuon muailmas
• T. G. Jufan tevokset
• Savelii Jamčšikovan pagizuttelu
• Kalevalan runolois on hänen jälgi