Siirry sisältöön

Ruskeala Symphony

On otettu Мегавики-späi

<table class="infobox infobox-Komentosarjavirhe: Moduulia ”Hash” ei ole. " style="" data-name="Музыкальный фестиваль" >Ruskeala SymphonyKomentosarjavirhe: Moduulia ”Wikidata” ei ole. Komentosarjavirhe: Moduulia ”Wikidata” ei ole. Komentosarjavirhe: Moduulia ”Infobox” ei ole.Komentosarjavirhe: Moduulia ”Wikidata” ei ole.Komentosarjavirhe: Moduulia ”Transclude” ei ole.

Ruskeala Symphony on jogavuodine kanzoinväline klassizen muuzikan muuzikkufestivuali. Sidä pietäh vuvves 2017 Ruskeala-mägipuustos.

Festivualin luadijoinnu ollah Karjalan tazavallan halličus, Karjalan tazavallan kul’tuuruministerstvu, Karjalan valdivolline filarmounii da Ruskeala-mägipuusto.

Histourii

Ruskeala Symphony -festivualii ruvettih pidämäh vuvves 2017 algajen Karjalan tazavallan piämiehen Artur Parfenčikovan alguhpanos da se kerras puutui muan top-15 tapahtumien joukkoh. Sit aijas festivualii pietäh joga keziä.

Vuvvennu 2018 pido piettih 24.-25. elokuudu da se keräi 6000 hengie[1]. Festivualis kuului barokon da klassicizman aijan tevoksii nygyaigazes sovitukses da muuzikkua tiedokonehkižois.

Vuvvennu 2019 festivuali piettih 19.-20. elokuudu. Sie ezityttih Kazahstuanan tazavallan Tolebergen Abdraševan nimine valdivolline akadiemine simfouniiorkestru, anglielaine DJ Mr Switch, muuzikkumiehien kolmikko Armieniespäi, Bol’šoi-teatran, Karjalan tazavallan kanzallizen teatran da Karjalan tyttiteatran solistat, Camerata Vocal Group Valgoven’alpäi sa ven’alazen rahvahan soittimien orkestru "Onego". Festivualin erillizenny gost'annu oli brituanielaine orkestranohjuaju Marius Stravinskii[2].

IV Ruskeala Symphony -festivualih lippuloin myöndy loppiettih suutkat enne tapahtuman alguu, sendäh ku tahtojua tulla festivualih oli jo enämbi, migu sai syndyö mägipuustoh. Festivualih tuli 8000 hengie. Jälles se sai Gran-prin IX Kanzallizen tapahtumumatkailualan palkindokilvas «Russian Event Awards-2020» Paras matkailutapahtumu kul'tuurualal -nominacies. Festivualin gostien joukos oldih Sergei Žukov da Regina Todorenko[3].

thumb|Konsertu Ruskeala-mägipuuston "Itualielazel järvel" Ruskeala Symphony -festivualin aigah. 24. elokuudu vuvvennu 2020.

Ruskeala Symphony 2021 -festivualin avuajazet omistettih kinoloin muuzikale: lavalpäi kuului pajuo ižänmuan da ulgomuan kinofil’mois, niilöin joukos Karjalas kuvattulois. Tämän vuvven festivualin merkittäväkse tapahtumakse rodih mägipuustoh rojalin tuondu: sil soitettih "Čaikovskoin enzimäine konsertu". Vuitti lippulois juattih niilöile, ket oldih sammuttamas tulipaloloi Karjalas, sežo orboloile da niilön viettäjile[4].

Vuvvennu 2022 festivualin ohjelmas jo oli keroipajatandua da kubalastu džazua. Tapahtuman kuulužien gostien joukos oldih Jurii Bašmet da Mihail Porečenkov[5].

Vuvvennu 2023 Ruskeala Symphony -festivualih, kudai sil kerdua piettih 15. da 16. heinykuudu, tuli enämbi 7000 hengie. Oli pietty yheksä konsertua. Ozanottajien joukos oldih Karjalan filarmounien orkestru, ven. Виртуозы Москвы -kamieruorkestru, folklourujoukko Valgoven’alpäi «Купалинка», ansambl’u "L’esprit du Vent" da džuazukvintiettu "Eilenkrig Crew"[6].

Vuvvennu 2024 festivuali piettih 26. da 27. heinykuudu[7][8].

Vuvvennu 2025 festivuali oli 18. da 19. heinykuudu. Festivualin enzimäzenny piän piettih Voiton pajot -konsertu, kudamas ezityi Ven'an armien A. V. Aleksandrovan nimine pajo- da tansiansambl'u[9]. Kaikkiedah pivon aigah piettih 16 konsertua eri kentil da se keräi enämbi 7000 kaččojua[10].

Festivualih nähte

Festivualin lavat ollah Ruskeala-mägipuuston eri kohtis: "Itualielazes louhimos", "Mruamorukanjonas" da toizis kohtis.

Festivualii pietäh joga vuottu. Sen ohjelmu on luajittu eri-igäzih kuundelijoih da kaččojih nähte da eri muuzikkumaguh. Ližäkse festivualin open-air -formuattu andau mahton yhtistiä kul’tuurujoudoaijan viettämizenke sen kul’tuuruperindön objektan, histourien mustomerkin alovehel, kus mruamorulouhimo on täyttynyh pohjuvezil.

Muuzikku viel

Ruskeala Symphony -festivualin aigah pietäh konsertoi viel: muuzikkumiehet soitetah lautal, kudai soudau järvie myöte, a festivualin gost’at kačotah sidä venehis libo rannal.

Palkindot

  • IV Ruskeala Symphony -festivuali sai Gran-prin IX Kanzallizen tapahtumumatkailualan palkindokilvas «Russian Event Awards-2020» Paras matkailutapahtumu kul'tuurualal -nominacies.

Huomavukset

  1. ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
  2. ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
  3. ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
  4. ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
  5. ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
  6. ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
  7. ↑ Международный музыкальный фестиваль «Ruskeala Symphony»
  8. ↑ «Замечательно»: как прошел фестиваль Ruskeala Symphony в Карелии
  9. ↑ Komentosarjavirhe: Moduulia ”CiteWeb” ei ole.Komentosarjavirhe: Moduulia ”check for unknown parameters” ei ole.
  10. ↑ Komentosarjavirhe: Moduulia ”String” ei ole. "Tähkäine": kymmenekse vuottu uuzi ozutelmu // Oma Mua. — 2025. — 23. heinykuudu (№ 28). — С. 3.

Komentosarjavirhe: Moduulia ”Check for unknown parameters” ei ole.

Linkat

Lähteh - "https://olo.megawiki.ru/w/index.php?title=Ruskeala_Symphony&oldid=7524"