Kuzova-suaristo

Kuzova-suaristo
Ominažukset
Sijoittumine
<div class="thumb tnone" style="width:320px; border: #; margin: 0 auto;"> <mapframe> ongelmat: Määritteen ”latitude” arvo ei kelpaa Määritteen ”longitude” arvo ei kelpaa

Ven'an Federacien kul'tuuruperindön objektu, объект № 1010076000

Kuzova-suaristo (ven. Кузова́) on yksi Vienanmeren suarijoukkolois, oza Kemin kallivosuarii, on Kemin linnas koillizeh päi da Solovetskoin suarilois päivänlaskuh päi. Suaristo on oza Karjalan tazavaldua.

Suaristoh kuuluu 16 ei-suurikogostu suardu, kaksi kudamis ollah Ven'an Kuzov- da Germuanien Kuzov -nimizet suaret, net ollah suariston suurimii suariloi. Ven'an Kuzov -suaren korgevin kohtu on 123 metrii, Germuanien Kuzov -suaren — 118 metrii.

Suaristo kuuluu saamelazien kul’tuuran ainavoluaduzil muinaismustomerkilöil. Suarel on lövvetty muinasaigazen ristikanzan oloipaikkua da uskondorakendustu, da seidua.

Histourii

Suariloi on pandu dokumentoih vie XV vuozisuan puolivälis (enne Solovetskoin suarii).

Enimiten levinnyön versien mugah Kuzova-sana lähti saamelazes Куз-ойвэ-sanas ("Kuuzen piät"). Mägilöin nimilöis mugaže löydyi saamelaine ойвэ (piä, ladvu)).

Luonnonsuojelualoveh

Vuvvennu 1991 Vienanmeren suariloin arvokkahien sego omaluaduzien kazvi- da elättimuailmoin säilyttämizekse avattih valdivolline Kuzova-luonnonsuojelualoveh.

12. heinykuudu vuvvennu 2012 Karjalan tazavallan halličus hyväksyi Kuzova-luonnonsuojelualovehtu koskijat siännöt.

Anglielazes vuvven 1773 atlasas suaristo on kirjutettu Cozowa-sanal

Matkailu

Lebävystoimindu (huogavundukohtien järjeständy, turistujoukkoloin azetundupaikkoin azundu, palatkoin pystytändy, tulen luajindu) suau pidiä vai Ven’an, Germuanien da Černeckoin suariloin alovehil, da vaigu sih niškoi tarkoitettulois kohtis, loittombi suojelualovehis. Lebävyndy on kielletty Kuzova-luonnonsuojelualovehen toizil suariloil linduloin pezoitunduaijakse 15. päiväs oraskuudu 15. päivässäh heinykuudu.