Viktor Coi

<table class="infobox infobox- " style="" data-name="Persounu" >

Viktor Robertovič Coi (ven. Ви́ктор Ро́бертович Цой; ), nevvostolaine rok-muzikantu, pajoloin kirjuttai da taidoilii. Kino-nimizen rok-joukon perustai da johtai. Täs joukos Coi pajatti, soitti gituaral, kirjutti muuzikkua da runoloi. Händy kuvattih monis fil'mois.

Eloskerdu

Viktor Coi oli ainavo lapsi omas perehes. Tuatto, Robert Maksimovič Coi, on inženieru Koreispäi rodužin, muamo on Valentina Vasiljevna, liikundukul’tuuran opastai. Vuozinnu 1974—1977 Viktor opastui taidoškolas, kuduas rodih Palata № 6 -nimine joukko. Sen johtai oli Maksim Paškov. V. Serovan nimizen taidoammattiopiston loppiettuu Coi piäzi opastumah toizeh ammattiopistoh puunleikkuajakse. Nuorennu Coi suvaičči Mihail Bojarskoin da Vladimir Visockoin luomisruadoloi, matki Brus Lin imidžua.

Coi oli naizis Marianna Igorevna Rodovanskajan kel. Heil rodih poigu (Aleksandr Viktorovič Coi).

Vuvvennu 1990 Coi puutui avto-ozattomukseh da hedi kuoli.

On pandu muah 19. elokuudu vuvvennu 1990 Bogoslovskoile kalmužimale Leningruadas.

Luomisruado

1970-luvun lopus Coi tunnustui Aleksei Ribinanke, soitti Piligrimi-joukos. Silaigua Coi soitti bas-gituaral Palata № 6 -joukos. Sit Viktor da Aleksei ruvettih soittamah yhtes Avtomatičeskije udovletvoriteli -nimizes pank-joukos. Coin kuulužus rubei nouzemah.

Kezäl vuvvennu 1981 Viktor Coi, Aleksei Ribin da Oleg Valinskii perustettih Garin da Giperboloid -joukon, kudai myöhembäh sai Kino-nimen. Kino rubei luadimah enzimästy al’bomua Boris Grebenščikovan da Akvarium-joukon avul. Kino-joukko pidi äijän konsertua da Viktor Coi sai kuulužuon.

Sovetskii žurnualan lugijoin mugah Igla-fil’mas Moro-roulis Coi sanottih vuvven 1989 parahakse ozuttelijakse. Rolling Stone Russia -žurnualan mugah Coi on yksi "parahis muzikantois suures kinos".

Musto

Duumaijah, ku Coin kuolendu äijäl ližäi kuulužuttu Kino-joukole. Coin pajot ollah hyvin tundietut nuorižon keskes. Viktorua pietäh urhomiehenny. Moskovas on seiny Coin mustokse, sih on kirjutettu Kinon pajoloin tekstoi dmi. Äijis linnois on Coin kunnivokse nimitettylöi uuliččoi. Monet joukot kirjutettih pajoloi Coin mustokse.

Failu:Санкт-Петербург, Богословское кладбище. Могила В.Р. Цоя, рок-музыканта.jpg

Viktor Coin kalmu Bogoslovskoil kalmužimal Piiteris

Diskogruafii

Disku Kino-joukon kaikkien al’boumoinke

Kino-joukos

Stuudiial’boumat

• 1982 — «45»;
• 1983 — «46»;
• 1984 — ven. «Начальник Камчатки»;
• 1985 — ven. «Это не любовь»;
• 1986 — ven. «Ночь»;
• 1988 — ven. Группа крови»;
• 1989 — ven. «Звезда по имени Солнце»;
• 1991 — ven. «Чёрный альбом».

Singlat

• 1987 — ven. «Из альбома Начальник Камчатки»;
• 1988 — ven. «Из альбома Ночь»;
• 1989 — Maman;
• 2012 — ven. «Атаман»;
• 2012 — ven. «Видели ночь/Фильмы»;
• 2012 — ven. «Мы ждём перемен»;
• 2012 — ven. «Вопрос/Место для шага вперёд»;
• 2012 — ven. «Кукушка»;

Iäniližävykset žurnualoih:

• 1989 — ven. «Русский язык за рубежом» № 1;
• 1989 — ven. «Клуб и художественная самодеятельность»;
• 1989 — ven. «Народное творчество» № 9;
• 1990 — ven. «Кругозор» № 7/90;

Сборники

• 1989 — Le Dernier Des Héros («Последний герой»);
• 1992 — ven. «Неизвестные песни»;
• 1999 — ven. «Лучшие песни 82—88 и 88—90»;
• 2020 — ven. «Любовь — это не шутка» (iänitys vuvvennu 1986);
• 2022 — «12 22».

Nevvostolazis kogomuksis

• 1987 — ven. «АССА»;
• 1989 — ven. «Хит-парад Александра Градского».

Ulgomuan kogomuksis

• 1986 — Red Wave;
• 1986 — 4 Selections From Red Wave;
• 1987 — Rocking Soviet;
• 1988 — МИР: Reggae From Around the World;
• 1989 — Epoka Dla Nas.

Linkat

• Роковая рыбалка Виктора Цоя, или о чём молчит водитель «Икаруса»