Muailman motociklistan päivy

<table class="infobox infobox- " style="" data-name="Праздник" >Muailman motociklistan päivy Muailman motociklistan päivy (angl. Ride to Work Day) on jogavuodine ei-virralline pruazniekku, kudamua pietäh kezäkuun kolmandennu enzimässargen.

Pruazniekku on pandu alguh vuvvennu 1992 da sen alguperäine nimi oli "Ruadoh motociklal" (ven. «На работу на мотоцикле», angl. Ride to Work Day). Pruazniekan piätarkoituksii on ozuttua motocikloin eduloi mašinoin ies da kiinittiä huomavuo tieturvalližuon probliemoih. Sinäpiän motociklistat kerävytäh yhteh, pietäh eri pidoloi, flešmoboi da šouloi.

Pruazniekan histourii

Vuvvennu 1989 amierikkalazen nygyaigazen motocikluvehkehistön azujan Aerostich-yhtistyksen alguhpanii Endi Goldfain rubei pidämäh ei-virrallizii pidoloi "Ride to Work Day" ("Ruadoh motociklal"). left|thumb|Suzuki GSX550 — vuvven 1985 motociklu Vuvennu 1992 eräs amierikkalaine žurnualu motociklistoih nähte julgai kirjutuksen, kudamas 22. heinykuudu sinävuon oli sanottu kanzallizekse ruadoh moticiklal ajandupäiväkse. Sinäpiän äijät motocikloin omistajat jätettih mašinat garažoih da lähtiettih ruadoh motociklal libo motorolleral. Nenga rodih pruazniekku, kudamua tundietah Muailman motociklistan päivänny. thumb|Ural-motociklu kal'askanke, Nevvostoliitto Aijan myödäh pruazniekanpiendyidei rodih kuulužakse Pohjazen da Suvizen muanpuoliškon mualois. Ga Suvizes muanpuoliškos vallittih pädevembän aijan motokaudeh nähte - talvikuun. Vuvvennu 1997 oli luajittu virralline tälle tapahtumale omistettu verkosivusto. Fourumal kai tahtojat voijah sanuo omii neroloi, paista uudeh mototehniekas da vehkehistös, tulielois da mennyzis festivualilois.

Vuvvennu 2000 oli perustettu ei-kaupalline hyvyönluajinduyhtistys "Ride to Work Day", kudaman tarkoituksennu oli motocikloin da motorolleroin popul'arizacii jogapäiväzenny ajonevvonnu. Tämä yhtistys rubei ielleh livuttamah Motociklistan päiviä da ilmoitti "Ruadoh motociklal nedälin", kudamua piettih vuvven 2001 heinykuun kolmandennu suovattan. Tämän tapahtuman alguhpanii Endi Golfain tässäh on tämän yhtistyksen ozanottajannu. Vuvvennu 2008 se päivy siirrettih kuukse enne — kezäkuun kolmandekse enzimässarrekse, sendäh ku monis mualois heinykuu on märrembi kuu migu kezäkuu.

Ei-virrallizen pruazniekan piätarkoituksii on kiinittiä huomavuo motociklistoin oigevuksih ahtistamattah toizien tieliikkehen ozanottajien oigevuksii da hävittiä erähii miiffoi motociklistois. Akcien ozanottajat ozutetah, ku motociklistoinnu voijah olla eri socialualoin da ammattiloin rahvas. Heijän mielien mugah motocikloin käytändy avvuttau pienendiä ahtistuksien (propkoin) miäriä dorogoil da sellittiä vähien parkupaikoin luguu parkukohtis.

Honda CB-600F Hornet, vuozi 2000

Piendyperindöt

Sinäpiän pietäh erilazii akcieloi da pidoloi, kudamien tarkoituksennu on kiinittiä huomavuo motociklistoin probliemoih da tarbehih. Niilöin joukos ollah kullut, ajokilvat, kerävöt, kilvat da motocikloin ozuttelut.

Husqvarna SMR-510

Mielenkiinittäjät toziaziet

• Kalifornies motociklistoil on oigevus ajua jagojunuo myöte mašinoin välis, kudamat ollah liikkehen eri puolil;
• Amierikkalaine L. Rassel Von on luadinuh rekordumatkan, kudaman aigah 24 čuasus ajoi suuriman matkupalan - 3250 kilometrii omal motociklal Harley-Davidson;
• Motociklan enzimäzen modelin azui Germuanien inženieru Gottlib Daimler da patentuičči sen vuvvennu 1885;
• Nevvostoliitto oli toizel sijal muailmas motocikloin tuotandas.

Kirjalližus

• Социальные параметры поведения в байкерской субкультуре // Вестник Бурятского государственного университета. Философия. — 2010.
• Определение возможности предотвращения дорожно-транспортного происшествия с участием мотоцикла // Инженерный вестник Дона. — 2019. — С. 23—24.
• Актуальные вопросы безопасности мотоциклистов // Государственная служба и кадры. — 2024. — С. 115—117.
• Современное мотосообщество в России // Мониторинг общественного мнения: экономические и социальные перемены. — 2014. — С. 175—188.