Marija Smirnova

<table class="infobox infobox- " style="" data-name="Военный деятель" itemscope itemtype="http://schema.org/Person">Marija Vasil'jevna Smirnova <table class="infobox infobox- noprint" style="width:313px;" > Ulgopuolizet kuvat

Marija Vasiljevna Smirnova () on Nevvostoliiton sodalendäi, Suuren Ižänmuallizen voinan ozanottai. Vuvves 1942 vuodessah 1945 oli 46. gvardien yöbombituslendopolkan lendokonehjoukon piälikönny. Nevvostoliiton urhomies (1944).

Eloskerdu

Oli roinnuhes nygözen Tverin alovehen Lihoslavl'an piirin Vorobjovo-kyläs muanruadajien perehes. Oli karjalaine. Vuvvennu 1936 loppi Lihoslavl'an pedagouguopiston, Kalininan lendokluuban. Ruadoi opastajannu Pol'užje-kyläs, lendoinstrukotorannu lendokluubas. Ruskies Armies on vuvven 1941 kylmykuus. Vuvvennu 1942 loppi lendäjien kursit, kudamii piettih Engel'san sodalendoškolan tyves. Toimijan Armies oli vuvven 1942 oraskuus. Kuului Kogo Nevvostoliiton bol'ševiekkoin kommunistizeh partieh vuvves 1943 algajen.

46. gvardien yöbombituslendopolkan lendokonehjoukon piälikkö (325. yöbombituslendodiviizii, 4. ilmuarmii, 2. Valgoven'an frontu), gvardien kapituanu Marija Smirnova luadi vuvven 1944 elokuukse 805 yölenduo bombittamah vihollizen voiskii, luadi suuuren vahingon vihollizele. 25 tuhandes bojulennos Smirnovan lendokonehjoukkoh kuului 10 tuhattu lenduo, iče häi 940 kerdua lendi täyttämäh yötehtävii.

Nevvostoliiton Korgeviman Nevvoston Prezidiuman vuvven 1944 ligakuun 26. päiviän käskys Marija Vasiljevan Smirnovale annettih Nevvostoliiton urhomiehen arvonimi da senke annettu Leninan kunnivomerki da Kuldaine Tiähti -kunnivomerki johtokunnan bojutehtävien täyttämizes da urholližuos bojulois fašistoin valloittajii vastah.

Jälles voinua Marija Smirnova sluužbas jäi eläkkehele majouran arvonimes. Vuvvennu 1954 häi loppi Tambovan alovehen partiiškolan. Ruadoi partien ruadolois. Eli Tveris.

Kuoli 10. heinykuudu vuvvennu 2002 Tveris. On pandu muah Dmitrovo-Čerkasskoin kalmužimale Tveris.

Musto

Vuvvennu 1985 Nevvostoliiton taidoilii Sergei Bočarov mualai suorah urhomiehis suuren kangahan "Joukkoportrietan 46. gvardien Tamanskoin Ruskien Flavun da Suvorovan kunnivomerkin kandajan yöbombituslendopolkan Nevvostoliiton urhomiehien nais-lendäjis. Yöjagarmot" (ven. «Групповой портрет лётчиц — Героев Советского Союза 46-го гвардейского ночного бомбардировочного авиационного Таманского Краснознамённого и ордена Суворова полка. Ночные ведьмы», kangas, voi 200х250 sm). Kuvas Marija Smirnova on keskel, hurualpäi oigiele ylähän kaheksas. Kuva on ruokos Lennnon da kosmonaftiekan muzeis Moskovas.

Palkindot da arvonimet

• Kuldaine Tiähti -medali;
• Leninan kunnivomerki;
• kolme Ruskien Flavun kunnivomerkii;
• Aleksandr Nevskoin kunnivomerki;
• Suuren Ižänmuallizen voinan 1. astien kunnivomerki;
• Ruskien Tiähten kunnivomerki;
• medalit;
• Tverin kunnivokanzalaine.

Kačo ližäkse

• Aleksei Smirnov

Kirjalližus

• Смирнова Мария Васильевна // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — .
• Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — С. 482. — 607 с. — 65 000 экз.
• Всегда на посту // Героини: очерки о женщинах — Героях Советского Союза / ред.-сост. Л. Ф. Торопов; предисл. Е. Кононенко. — М.: Политиздат, 1969. — Т. 2. — 463 с.
• Ракобольская И. В., Кравцова Н. Ф. Нас называли ночными ведьмами. — М.: Изд-во МГУ, 2005. — 336 с.

Linkat

• .
• Смирнова Мария Васильевна. Фильм цикла «Герои Победы».