Kyykän histourii

merge Kyykkä

Kyykkä

Kyykkä / kriukka / kriukku/ gr'uuhu on vahnu karjalaine kiža. Sih kižattih, konzu tahtottih ozuttua, kenen kylä on parembi da kenen sluavu kuulužembi.

Vuvvennu 1894 kirjuttai I.K.Inha kirjutti, gu ”kiža vahnenou, unohtuu, sih kižatah vai loittozis kylis”. Samanmoine tilandeh oli Luadogan Karjalas voinan iel. Kyykkäh kižattih Suojärven da Salmen loittozis kylis. Rahvahienvälizen voinan jälles kyykkäh kižattih Suomeh muuttunuot Vienan da Anuksen [[Karjalan tazavaldu|Karjalan] eläjät kezäpruazniekkoin aigah. Kyykkäh sežo kižattih Karjalan kannaksel sego Inkerinmual.

Vuvvennu 1951 Karjalan Sivistysseuru (Vienankarjalazet perustettih sen vuvvennu 1906 Vienan Karjalaisten Liitto -nimel), kuduan johtajinnu oldih Boris Karppela da Kosti Pamilo, rubei elvyttämäh kyykkä-kižua. Kižuajua da joukkuo oli nenga äijy, gu parahien parahis valliččemizekse pidi luadie siännöt da balloin luvendusistiemu. Uuzih siändölöih kuuluttih kai ennevahnallizet kižasiännöt da nimet. Joukkokižan ližäkse luajittih individualizet kižat sego puarukilvat.

Vuvvennu 1964 Karjalan Sivistysseura da Karjalan Liitto luajittih Karjalan kyykkäkomitietan. Se vastai kižan kehittämizes sego Karjalan liittoloinvälizien kyykkäkilboin järjestämizes da sud’d’ien valmistamizes kilboih.

Vuvvennu 1981 allettih nevvottelupaginoi Kyykkäliiton perustamizes. Karjalan Sivistysseuran ehoituksen mugah nevvonandajakse tuli Pentti Ehoniemi Kylmäkoskespäi. Karjalan Kyykkäliiton allunpanendukerähmö piettih Helsinkis 14. kevätkuudu vuvvennu 1984. Vuvvennu 1986 17. ligakuudu Liitto oli pandu kirjale.
Sen valdukundah kuului 16 eri piirilöin edustajua da yksi Karjalan nuorižon Liiton edustai. Boris Karppela da Kosti Pamelo ollah Liiton kunnivoittuloinnu piämiehinny.

Liiton enzimäzenny piämiehenny oli Pentti Ehoniemi vuodessah 1989. Hänen jälles piämiehekse vallittih Sulo Juvonen Ruokolahtespäi. Sulo Juvozen kuolendan jälles 17. talvikuudu vuvvennu 1989 piämiehekse rodih hänen sijahine Pentti Sillervo Lahtespäi. Täs virras häi oli vuodessah 1992. Hänen jälles uvvekse piämiehekse vallittih Voitto Pulkkinen Korpilahtespäi, kudai oli täs virras vuodessah 1996. Sit piämiehekse vallittih Pentti Karvonen Porvoospäi. Vuozinnu 2012-2014 Liiton piämiehenny oli Valeri Kononen. Vuvvennu 2015 on vallittu uuzi piämies Jurki Juvonen.

Vuvvennu 1992 kevätkuun 29. päivänny Kyykkäliiton siännöt muutettih. Uuzien siändölöin mugah Liiton valdukundah kuulutah piämies da kaheksa edustajua, kuduat vastatah valdukunnan eri ruadolois.

Vuvvennu 1993 kežäkuun 19. päivänny Kuopion linnas pietys kerähmös Karjalan Kyykkäliitto sai uvven Suomen Kyykkäliitto -nimen.